Komunikado Di Prensa

Minister Giselle Mc William A Pone Su Mes Na Altura Di Desaroyonan Rondo Di Nos Refineria

Willemstad 17 di Sèptèmber 2019- Resientemente, Minister enkarga ku Desaroyo Ekonomiko, Sra. Giselle Mc William a reuní ku gerensha di Refineria di Kòrsou pa pone su mes na altura di e desaroyonan rondo di nos refineria. Gerensha di Refineria di Kòrsou (RdK), asesorá pa e Program Management Organization(PMO) di RdK a duna Minister Mac William un presentashon tokante di e buskada pa un partner strategiko pa nos refineria i kiko RdK ta hasiendo aktivamente, na e momentunan aki, pa mantené nos refineria den operashon te na momentu ku haña un partner strategiko pa nos refineria.

Despues di e presentashon a sigui un rekorido den refineria mes. Di e forma aki Minister Mc. William mes por a tuma nota di e instalashonnan di nos refineria i di e planta di utilidat di Curaçao Refinery Utilities (CRU). Despues di e rekorido, Minister a sera konosí ku gerensia di Refineria Isla.

-FIN-

Nota pa redakshon. Potrèt:

1. Minister Mc William huntu ku Gerente di RdK, Sr. De Lannoy i tambe miembronan di PMO presidí pa Sra. Kruithof- Bor