Komunikado Di Prensa

Minister Stef Blok Ta Pone Su Mes Na Altura Di Desaroyonan Rondo Di Nos Refineria

Willemstad 1 di Mei 2019- Durante di su último bishita na Kòrsou djamars 30 di aprel, Minister Stef Blok, a reuní ku gerensha di Refineria di Kòrsou pa pone su mes na altura di e desaroyonan rondo di nos refineria. Gerensha di Refineria di Kòrsou (RdK), asesorá pa e Program Management Organization(PMO) di RdK a duna Minister Blok un presentashon tokante di e buskada pa un partner strategiko pa nos refineria i kiko RdK ta hasiendo aktivamente, na e momentunan aki, pa mantené nos refineria den operashon te na momentu ku haña un partner strategiko pa nos refineria. Minister Blok tabata kompaña pa Promé Minister di Kòrsou Sr. Eugene Ruggenaath.

Despues di e presentashon a sigui un rekorido den refineria mes. Di e forma aki Minister Blok mes por a tuma nota di e instalashonnan di nos refineria i di e planta di utilidat di Curaçao Refinery Utilities (CRU.)

-FIN-

 

Nota pa redakshon. Potrèt:

  1. Gerente di RdK, sr. de Lannoy ta yama Minister Blok bon bini na RdK;
  2. Bista durante di reunion entre RdK i Minister Blok;
  3. Minister Blok, Promé Minister di Kòrsou Sr. Ruggenaath, Sr. Kruithof-Bor ku ta presidí PMO di RdK i Sr. de Lannoy