Gobièrnu di Kòrsou (‘Gobièrnu di Kòrsou’) ta doño di un refineria di krudo i di un terminal di krudo (‘fasilidatnan pa krudo’) via su kompania limitá riba kua e in kòntròl kompleto, Refineria di Kòrsou N.V. (‘RdK’). Un supsidiario di Petróleos de Venezuela S.A. (‘PDVSA’) ta operá e fasilidatnan pa krudo bou di un akuerdo di lease pa tempu largu, ku ta kaduká riba 31 di desèmber 2019. Gobièrnu di Kòrsou i RdK ta buskando un òf mas partner stratégiko pa usa, operá, mantené i modernisá e refineria i e terminal bou di un lease pa tempu largu nobo, entrante 1 di yanüari 2020. E fasilidatnan pa krudo ta kontribuidónan importante pa e ekonomia lokal. P’esei, operashon ininterumpí ta un ophetivo primário pa Gobièrnu di Kòrsou.

E situashon na Venezuela ku ta deteriorando rápidamente i tambe e impedimentunan finansiero i operashonal di PDVSA su aktividatnan di negoshi, ta un riesgu a korto plaso pa kontinuashon di e operashonnan di e fasilidatnan pa krudo dor di PDVSA mes. P’esei Gobièrnu di Kòrsou i RdK ta buskando un - òf múltiple - partner potensial pa sigurá ku e fasilidatnan pa krudo lo sigui operá pa durashon di e lease aktual. Mientrastantu, ta sigui buska un operadó pa despues di desèmber 2019. Ta ehekutando e proyekto akí bou di e nòmber di kódigo ‘Proyekto Arawak’.

Situá afortunadamente pafó di e ruta di orkan karibeño, e fasilidatnan pa krudo ta posishoná faborablemente riba e rutanan internashonal mayó pa komersio di krudo i di produktonan refiná. Nan ta proveé un plataforma físiko pa negoshi i pa produkshon. Tambe nan ta brinda e oportunidat pa yega na fasilidatnan pa refiná krudo, ku lo kumpli ku e reglanan nobo pa abastesé krudo IMO 0.5% S, ora implementá esakinan for di 1 di yanüari 2020.

Miembronan di Program Management Organization