Komunikado Di Prensa

Pronto Klesch Na Korsou Pa Kontinua Ku “Due Diligence”

Willemstad 3 di òktober 2019 – E negosashonnan entre Project Management Organization (PMO) di Refineria di Kòrsou (RdK) i grupo Klesch ta dal un paso importante mas. Representantenan di Klesch ta kuminsá bini Kòrsou den siman di 14 di òktober próksimo pa kontinuá ku nan “due diligence” riba nos fasilidatnan petrolero. Esaki lo tuma luga den bon koperashon ku Refineria Isla. E kòmbersashonnan tokante futuro operashon di nos refineria entre PMO i Klesch lo sigui miéntras ku Klesch ta hasi su “due diligence”. Di e forma aki ta hasi uso máksimo di e tempu limitá ku nos tin.

Alrededor di 20 representante di Klesch, inkluyendo nan konseheronan, lo ta na Kòrsou. No ta tur representante i konseheronan di Klesch lo tei pareu na Kòrsou. Nan lo reuní durante nan bishita na Kòrsou i papia ku diferente eksperto tokante refineria, CRU i Bullenbaai.

E ta imperativo ku grupo Klesch ta haña un bon impreshon di operashon di nos fasilidatnan petrolero. Ta esensial pa e representantenan di grupo Klesch haña un bon impreshon di nos refineria. Esaki ta tambe un oportunidat pa nos yama bon bini na e potenshal invershonista aki riba nos isla i etalá nos eksperensha i profeshonalismo den industria petrolero.

E trayekto pa yega na un partner stratégiko ta kanando sigun a keda proyektá pa PMO. PMO ta determiná pa kumplí ku e mandato ku Gobièrnu di Kòrsou a duna: esta pa mantené refineria habrí i perkurá pa un futuro duradero pa nos refineria.

-FIN-