Komunikado Di Prensa

Refineria Di Korsou I STK Ta Firma Pa Formalisá Afvloeingsregeling Pa Trahadonan Di CRU

Willemstad- Refineria di Korsou i Sindikato di Trahadonan di Kòrsou (STK) resientmente a firma e akuerdo pa e areglo di abandono pa trahadonan di Curaçao Refinery Utilities (CRU.) Esaki a tuma luga den presensha di miembronan di STK, tur trahadónan di CRU.

E asina yamá “afvloeiingsregeling” ta un areglo akordá ku ta determiná bou di ki kondishon e empleadonan ta terminá nan empleo na CRU, den kaso di terminashon di empleo masal òf kolektivo. E akuerdo aki entre e dunadó di trabou i e representashon sindikal ta bai forma parti integral di e kontrato kolektivo eksistente kaba.

E rason pa e areglo di abandono ta sinta den e echo ku partidonan ta premirá, teniendo kuenta ku e esfuersonan pa yega na un operadó nobo pa refineria, CRU i Bullenbaai, ku en todo kaso por bin kambio di dunadó di trabou na komienso di aña ku chèns ku no tur trahadó ta òf ke forma parti di e konstelashon nobo. Esaki lo efektuá e kondishonnan di terminashon di empleo ku CRU den forma kolektivo pa kual e trahadó aktual di CRU por konta ku un kompensashon ku ta surpasá lokual lei ta stipula teniendo tambe kuenta ku anjanan di empleo di kada trahado segun e areglo.

-FIN-