Komunikado Di Prensa

Registashon Di Trahadonan Di Refineria Isla Pa Akuerdo Di Trabou Ku CRU A Kuminsa

Willemstad 30 di Desèmber 2019- E registrashon pa trahadónan di Refineria Isla pa kontinuá ku nan trabou i garantisá nan entrada for di promé di yanuari, ofresé pa Curaçao Refinery Utilities (CRU), a kuminsa. For di awe tur trahadó no-penshoná ku tabata traha pa Refineria Isla por tuma kontakto ku ekspertonan di Ernst & Young, kendenan ta asistí Refineria di Kòrsou (RdK) i CRU pa traha un sita pa asina kuminsá e tramitenan pa formalisá e akuerdo di trabou aki. Nan lo hasi esaki den koperashon ku e Departamentu di Rekurso Humano di Refineria Isla. Por yama telefòn 430-5069 òf por manda un mail na e-mail transishoncru@an.ey.com (entrante 3 di yanuari pròksimo.) CRU ke pidi tur trahadó ku ta traha riba Refineria Isla i Bullenaai pa mièntrastantu sigui bo skema di warda normal ora aña boltu.

Bal informá atrobe loke CRU ta ofresé na kondishonnan den e akuerdo di trabou:
1. E trahadó mester a firma e akuerdo di terminashon di trabou ku Isla. Isla ta keda responsabel pa paga e trahadó cessantia/ rekompensashon di terminashon. CRU lo no tuma añanan di trabou ku e trahadó a akumulá òf ‘claim’ ku e trahado tin ku Isla, over.
2. E durashon di e akuerdo di trabou ku CRU ta pa un periodo te 30 di yuni 2020 òf segun Klesch ofresé un kontrakt riba un fecha ku por ta mas promé.
3. E salario lo ta igual na loke tabata konta na Isla. Bruto salaris i wachtlopers premie di Isla ta keda meskos. Benefisionan sekundario ta konforme di lei.
4. Tur trahadonan por siguí bai Medical Department entrante 1 di yanuari 2020.
CRU lo empleá e trahadó pa operashon, mantenshon i uso di e fasilidatnan solamente pa distribushon di kombustibel pa e merkado lokal.

E trahadó mester trese e siguiente dokumentonan personalmente na momentu ku traha un sita kun’é:
A. Un prueba di e terminashon di e kontrakt ku Isla.
B. E slepnan di salario di òktober, novèmber i desèmber 2019.
C. Un reibeweis, pasaporte òf sédula válido.

Tin trahado ku lo mester keda traha pa e entidat “Refineria Isla” pa asina fasilitá e proseso di traspaso. Pa e trahadionan aki e oferta di trabou lo keda vigente te dia 30 di yuni 2020.

-FIN-